Plougie uit Taorl wint Streektaolstried in Zeijen
AlgemeenZEIJEN - De Streektaolstried van het Huus van de Taol was afgelopen vrijdag in café Hingstman te Zeijen weer in mekaor zet deur de Taolambassadeur en de vrijwilligers van het Huus van de Taol oet de gemeeinte Tynaorl.
Deze Streektaolstried is veur alle inwoners van de gemeeinte Tynaorl. Er deden dizze keer 17 plougies an met oet de hele gemeeinte. Dönderen, Taorl, Tynaorl, Yde- de Punt, Zeijen en Zuudlaorn.
Het was een pittige kwis, met onder andere vraogen over Drentse gezegdes, foto’s van vogels (wie kent mij) anagrammen, het raoden van liedjes - die in het Drents op papier stunden - hoe de werkelijke titel was en zo meer. De zweetdruppels kwamen, de jassen/truien gungen oet.
Naodat de deskundige maor eerlijke jury de punten telt had, kwamen er drei winnaors oet de bus. Een 1e pries veur het plougie oet Taorl, een mooie middenpries veur de groep van de Vrouwen van Nu oet Tynaorl en een eervolle leste veur-spek-en-bonenpries gung naor de groep De Deurtrappers oet Tynaorl.
Het was weer een gezellige aovend in Zeijen en wij hoopt dat er volgend jaor op 22 meert 2024 dezölfde en nog meer plougies met an doet.
