Eerste lustrum van streektaolstried Aa en Hunze in Annerveenschekenaol
AlgemeenANNERVEENSCHEKENAOL - De Streektaolvrijwilligers van het Huus van de Taol zult veur de viefde maol in Aa en Hunze de, inmiddels, populaire Drèentse pubquiz organiseren. Nao Raol, Nieveeb, Grol en Iegaor, dit jaaor naor Annerveenschekenaol.
In Mfc De Badde an Greveling 139 in Annerveenschekenaol kan dit jaor op vrijdag 28 meert tegen mekaor streden worden. Vraogen over taol, cultuur, meziek en Drenthe passeert de revue. Een plezerige bijeenkomst is bij veurbaot garandeerd. Spelleider van dizze aovend is wederum de bekende Drent Jan Germs.
Dit jaor een thoeswedstried veur de groep Grensgeval, die veurig jaor pas veur de eerste maol met dee. Zij zult netuurlijk alles op alles zetten um een gooi naor de overwinning te doon.
Elk en een in de gemeente Aa en Hunze kan zuch veur dizze stried anmelden. Old- en neie deelnimmers kunt heur opgeven veur maondag 3 febrewaori.
Groepen die eerder metan deden kriegt weer persoonlijk een oetneudiging, maor veur alle anmeldings geldt: wie het eerst komp, wie ‘t eerst maolt.
Zu’n 25 groepen van 4 à 5 personen kunt hieran metdoon. Opgeven kan bij de Streektaolvrijwilligers: Jan Hartlief (jghartlief@ziggo.nl of 06-46325905) of Roelie Meijering (roelie@pattyjoris.nl of 06-14967724).
De Streektaolstried begunt op 28 meert um 20.00 uur, inloop vanaof 19.30 uur.
