Streektaolstried in café Hingstman

ZEIJEN - Op vrijdag 14 meert is het weer tied veur de achtste editie van de Streektaolstried veur de inwoners van de hele gemeinte Tinaorl.

De kwis, organiseert deur de Taolvrijwilligers en Taolambassadeur van het Huus van de Taol in Beilen, wordt vanaf 20.00 uur holden in café Hingstman in Zeijen. De zaol is lös um 19.30 uur. De organisatie hoopt dat veul plougies zich met mekaor gaot weren. ,,Doe jullie ok met, wij rekent op veul ‘strieders’.’’

Opgaove kan bij Alie Homan tot 1 meert via hahoman@hotmail.com. Een bellegie mag ok via 06-23304774.