Harm en Rika Sijnstra uit Zuidlaren 60 jaar getrouwd

ZUIDLAREN - Harm Sijnstra en Rika Sijnstra-Hilbolling waren zondag 60 jaar getrouwd. Burgemeester Marcel Thijsen van de gemeente Tynaarlo kwam het echtpaar een dag later feliciteren met hun diamanten huwelijk.

Rika Hilbolling uut Eext en Harm Sijnstra uut Assen hebt mekaor in 1959 kennen leerd in Bellevue, waor op de TT-aovend lekker daanst wuur. Ze drunken een draankie en ze kregen verkering. Rika kwam uut een socialistisch nust en Harm was griffermeerd, dus in het begun leup het niet altied op rollegies. Maor feitelk hadden ze thuus dezölfde weerden metkregen en daor hebt ze altied naor leefd.

Rika warkte op het gemientehuus in Assen, maor doe ze trouwden much dat niet meer. Ze gung veur de kinder zörgen, maor intied leerde ze veur de akte l.o. tieken, en ze hef zuch ontwikkeld in de schilderkuunst. In Börger dee ze de opleiding veur verieningsleidster gymnastiek en ze hef altied les geven an jeugd en olderen in Gasteren en Zuudlaren, tot ze deur versleten heupen stoppen mus.

Harm was maatschappelijk warker bij de Kinderbescharming en bij de Gasunie en wuur na de neudige opleidings gezins- en relatiettherapeut en mediater. In zien vrije tied zingt hij in een mannenkoor en is hij saxofonist en hij schrieft gedichten en verhaolen.

Het stel kreeg drie kinder en had een antal maolen pleegkinder in huus. Het is wies met heur kinder, klein- en achterkleinkinder.

Harm en Rika bent nog goed gezond, bent God daorveur dankbaor en hoopt nog lang saomen van het leven te genieten.

Op verzoek van het diamanten echtpaar is dit artikel in het Drents opgesteld.